يا بنت أرجوج أنا مأقدر كفانـي ماضـي الغلطـات
...................أخــاف الله يعذبـنـي وأنــا خــواف يابنـيـه
واخـاف ابساعـه اللـذه يجينـا هــادم الـلـذات
...................ويأخذ مـن حشـى جوفـي بقايـا روحـي الحيـه
أنا ليّه ثمان اسنيـن وأنـا مدمـن علـى الشهـوات
...................ديـار الفسـق حاستهـا مواطـي تحـت رجلـيـه
عيوني مـن كبـر همـي تخلـط الـدم والعبـرات
...................مِسيـل الدمـع مـن عينـي حفـر بالخـد ماريـه
صحيح إنج جميله بـس تبنـا مـن هـوى الزينـات
...................تركنـا الحـب غصـب وطـوع للعيـن الشقاويـه
يابنت أنتي على بالـج أبأخـذ مـن بنـات الشـات؟
...................أجـل مجنـون أنـا يابنـت أشيـل العقـل بيديّـه؟
ترى أكبر شيء يربطني مِعج جـوال ابـو شاشـات
...................وهاتـف ينقـل أشواقـي علـى نبـرات سلكـيـه
وترى كل العلـوم اللـي عطيتـج بالهـوى كذبـات
...................وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـج الدمعـات
...................لأن الدمـع ماينـثـر بقـصـه حــب وهمـيـه
أنا أضحك مِعج واضحك منج ..عليج أكثّر الضحكات
...................كأنـي بالـهـوى جـنـي.. يعـبـي راس جنـيـه
وأنا مانـي بخكـري يلبـس القمصـان.. والشرتـات
...................ويفـرح قلبـه المسكـيـن إذا حــب الدوينّـيـه
ودهنتي شعـرج الاسـود بألـوانٍ مـن الصبغـات
...................وعيـت تقبـل الصبـغـه ملامـحـج الخليجـيـه
وحشرتـي ردفـج المسكيـن بالبنطـال ...والجنـزات
...................خلاقـيـنٍ تصنّعـهـا مـزاجــات اليـهـوديـه
عشاني ميـتٍ فـي ثغـرج الأحمـر أبـو لمعـات
...................تحسبينـي أبرضـخ لـج لأن إشـفـاج ورديــه ؟
ورب الكون مأرضى فيج لو إنج شيخـة الحلـوات
...................وإذا صمـل علـيّ العلـم أكـب ارض الإمارات
يابنت الناس عـزج فـي سـوادٍ يستـر العـورات
...................وعزي في شماغ أحمـر.. وثـوب أبيـض.. وطاقيـه
إماراتيين نفخـر فــي عبـايـات الإماراتيات
...................نغـض الطـرف إجـلالاًً إذا شفـنـا إماراتية
وخليجييـن نفخـر فــي عبـايـات الخليجـيـات
...................نغـض الطـرف إجـلالً إذا شفـنـا الخليجـيـه